Полицијата во рускиот град Жуковски, на околу 40 километри југоистично од Москва, го приведе мажот кој го фрлил своето двегодишно дете преку прозорец и со нож ја усмртил неговата баба.
Како што пренесе „Итар Тас“, детето го преживеало падот и во тешка состојба е префрлено во болница, каде моментално се наоѓа на интензивна нега.
Полицијата работи на откривање на мотивот за овој свиреп чин, во кој е убиена осумдесет и едногодишната жена, за која се претпоставува дека му била баба на детето.
