Ја поканиле во нивниот стан за да „разговараат“ за соработка, а потоа руската порно актерка брутално ја силувале по што ги скршила двете нозе додека бегала од двајца насилници.
Младата актерка која глуми во филмови за возрасни пристигнала во станот за да разговара со мажите за новиот филм, но наместо разговор тие ја нападнале и ја силувале неколку часа. За да се спаси од силувачите, 22-годишната порно актерка, чие уметничко име е Лола Тејлор, скокнала од третиот кат.
Соседот кој го шетал своето куче во московската населба Јасеново, Бласиус Виноградов, ја пронашол девојката крвава и со скината облека.
„Го шетав кучето кога блондинката со скинати алишта и крвави усни падна на земјата. Кога дојдов до неа беше во несвест и јасно се гледаше дека ги скршила двете нозе. Веднаш повикав полиција и итна помош“, раскажал Виноградов.
„Беше во многу лоша состојба и претрпела неколкучасовно силување пред да скокне. Кога ги уапсивме двајцата насилници, тие сè демантираа – сè додека не влеговме во нивниот стан за да пронајдеме докази за ова ужасно злосторство. Се обиделе да ги исчистат крвавите дамки, но не успеале“, рекле од московската полиција.
30-годишниот Дмитриј Косенков и 33-годишниот Максим Пилипенко биле уапсени и сега им се заканува казна затвор од 30 години.
