„Кретен“ кој одбива да се ракува со него, љубоморен на неговото богатство, така Силвио Берлусконо го опиша Николас Саркози во својата прва авторизирана биографија „My way“ која на интернет е објавена во Италија.
Според книгата на американскиот новинар Алан Фридман, поранешниот француски претседател често бил безобзирен кон шефот на италијанската влада.
„Беше љубоморен, затоа што јас сум богат, а тој не“, тврди Берлускони кој раскажал дека Саркози по венчавката со Карла Бруни рекол – „Гледаш Силвио, сега сум богат, како ти!“
Берлускони во книгата исто така раскажал како на германската канцеларка Ангела Меркел од својот џеп и подарил многу парчиња накит, кои таа секогаш со задоволство ги прифаќала.
