Со пуштање во воздухот лантерни и рецитирање на поема за боемите од Петре М. Андреевски, вечерва беше отворена боемската улица во населбата Дебар Маало, во општина Центар. Идејата е цело Дебар Маало, односно главната улица на која има и најголем број кафеани да се претвори во боемска улица. Тоа се уште е само идеа бидејќи за проектот е потребно да се направи ново сообраќајно решение за овој потег
На пригодната свеченост беше свирена македонска староградска песна.
Оваа улица ќе ги врати спомените за животот на старо Скопје, рече Жерновски, кој пред присутните гости раскажа една анегдота за боемите.
– Кога ќе седне боем до вас во меана и ќе ве праша што ќе пиете, вие вообичаено ќе одговорите со – ништо. Но потоа боемот ќе ви рече ајде сега ти прашај ме што ќе пијам, рече Жерновски.
Целиот потег со вкупна површина од околу 2.000 квадратни метри е нивелиран заради непречено движење на пешаците, инвалидите и велосипедите, но и поради визуелната естетска целина. На местото каде што завршува улицата се формира мал плоштад, каде што е поставена дрвена инсталација за седење, како и декоративен бетонски ѕид со дрвени талпи и зеленило. Како што брифираат од општината, во соработка со жителите, чии куќи и објекти излегуваат на оваа улица, едногласно се сложиле таа да не се користи како паркинг и на неа строго да биде забрането движењето на возилата. Од двете страни на улицата има комбинација од стар и нов дрворед со вкупно 24 дрвја, до кои е доведена инсталацијата капка по капка.
Поставената коцка по улицата не е нова, туку е искористена од досегашните улици од каде што е извадена.
Поставената коцка по улицата не е нова, туку е искористена од досегашните улици од каде што е извадена.
