Секоја година 43 килограми злато завршуваат во канализација во Швајцарија


Минатата година швајцарски истражувачи открија три тони сребро и 43 килограми злато во отпад од постојка за преработка на вода. Вкупната вредност на благородниот метал е поголема од три милиони долари.

Пред луѓето да почнат да бараат накит во цевките треба да знаат дека експертите кои учествувале во истражувањето велат дека златото и среброто се пронајдени во ситните честички кои потекнуваат од хемиската и фармацевтската индустрија и производството на часовници.

„Слушате приказни за бесни мажи или жени како го фрлаат накитот во веце школката, но, за жал, не пронајдовме никаков прстен“, објаснува еден од учесниците во истражувањето, Бас Вријенс, додавајќи дека честичките злато и сребро во канализацијата се мерат во микрограми, но кога ќе се собере сè се доаѓа до значителни бројки.

Сега се испитува дали се исплати да се извлече металот од канализацијата, но засега не изгледа дека процесот би бил профитабилен.

Поголема количина злато во канализацијата е пронајдена во западниот швајцарски регион Јура, каде што е развиена индустријата на изработка на часовници.

Share Button
MK News

Автор инфо

No comments yet.

Остави коментар

UA-33057274-1