Неколку дена пред нападот во Ница, во кој загинаа 84 лица и над 200 се повредени, Мохамед Лахоуа Булел (31) на членовите на семејството во Тунис им пратил 100.000 евра.
Овој податок го открил неговиот брат Јабер, а се претпоставува дека терористот овој износ го добил од Исламската држава за нападот.
-Мохамед досега ни праќаше често само мали суми, како и поголемиот дел Тунижани кои работат во странство. Но, сега испрати 240.000 туниски долари што е вистинско богатство. Не кажа од каде му се толку пари, изјавил братот на Мохамед.
Француското обвинителство соопшти дека поранешната сопруга на Мохамед е задржана во притвор, а според извори од истрагата уапсени се лица од најблиското опкружување на напаѓачот.
По извршениот детален увид, полицијата ги отстрани сите докази и телата на убиените, а улицата е отворена за граѓаните. Според официјалните податоци убиени се 10 деца, додека 54 се тешко повредени. Се верува дека бројот на жртви може да порасне бидејќи 25 лица се на апарати.
