Кога ќе се опуштите во сексот, единствено нешто на што размислувате е вашето задоволство и на вашиот партнер. Меѓутоа, Ели Тајлер – Дејвис немала такво искуство.
Во текот на водењето љубов, доживеала крајно непријатно чувство во пределот на долниот стомак. Истото чувство го имала и покасно, кога била во тоалет. Претрагата на симптомите на Интернет ја навела на заклучокот дека се работи за чир, па се обидела да го игнорира чувството на непријатност, зашто знаела дека има проблеми со цревата.
Кога отишла по еден месец на редовен преглед кај гинеколог, дијагнозата ја шокирала. На јајниците имала малиген тумор. Ултразвукот го потврдил туморот со должина од 16 сантиметри, кој ги притискал внатрешните органи.
За среќа, стигнала во последен момент да го отстрани малигното ткиво, без потреба за хемотерапија и Ели е сега во фаза на закрепнување. Сега, храбро зборува за болеста која ја победила, храбрејќи ги жените редовно да одат на гинеколог и да не се плашат од дијагнозата.
Тејлор да не отишла на гинеколог, туморот би продолжил да се шири, а веројатно би ги зафатил и другите органи. Страшно е да се помисли што би можело да се случи.
