Експертот за дешифрирање, чие голо тело било пронајдено во торба со катанец во неговиот стан во Лондон, имал женска облека во вредност од 15.000 фунти, вклучувајќи и црвена перика и шминка.
Полицијата која го истражувала случајот изнела претпоставка дека бил трансексуалец кој посетувал веб страни за запознавање, и дека настрадал при сексуална игра која тргнала на лошо.
Форензичарот Питер Фолдинг, меѓутоа, верува дека неконвенционалната облека му користела за работа, а не за лично задоволство.
“Главното прашање, кое никој не го поставува, гласи: “Дали таа облека му користела за работа?”. Сигурен сум дека да”, рекол Филдинг за весникот Sun.
Овој експерт – кој ја отфрлил теоријата на Скотланд Јард, според која Вилијамс самиот се заклучил во торбата по 300 неуспешни обиди – верува дека MI6 ја финансирале неговата скапоцена гардероба.
Фолдинг вели дека велшкиот шпион сигурно делувал убедливо како жена, а неговата теорија би можела да се објасни затоа што неговите сосетки велеле дека гледале само жена која влегува и излегува од станот.
“Сигурен сум дека изгледал како вистинска жена. Бил слаб и имал женски црти на лицетот, а бидејќи се занимавал со велосипедизам, ги бричен и нозете”, вели тој.
Полицијата открила дека Вилијамс, кој од Владината служба за комуникации – “GCHQ” преминал во “MI6”, само десет дена пред смртта го посетил клубот “Бистротек” во источен Лондон, а три месеци подоцна и геј барот “Баркод”.
Полицијата тврдела дека математичарот бил сам во станот во населбата Пимлико и дека сам се заклучил во торбата за да доживее сексуално возбудување.
Tocka.com.mk
