На ваквите гробишта, наместо надгробна плоча, си одбирате дрво, а пепелта ја закопувате директно во почвата под него, така што мртовецот се враќа во екосистемот.
Јапонија има најголема стапка на кремирање на мртвите во светот, над 99%, но исто така е една од земјите со најголеми цени за погреб.
Традиционално, пепелта се закопувала во семејната гробница, но поради недостиг на земјиште во оваа густо населена земја, тоа е се поскапо и се повеќе луѓе се одлучуваат за расфрлање на пепелта на своите сакани.
Имаат уште една иновативна опција. Наречена е шума гробишта.
Како што може да си замислите, на овие гробишта, наместо надгорбен споменик, се одбира дрво.
Една од осум такви „смртни шуми“ кои моментално се отворени, се наоѓаат во рамките на гробиштата Реиен Кодариа, во Токио. Јапонците имаат голем број на традиции поврзани со посетата на гробиштата, а вазните за цвеќе и темјаните се поставени на секој гроб.
Луѓето од сите религии се закопани заедно без никакви рестрикции.
Овие гробишта во јули минатата година почнаа да ги примаат резервациите за првите 500 места, а интересот ги надмина сите очекувања и најавија дека оваа година ќе ќе се понудат дополнителни 10,700 парцели.
Цената на ваквите гробишта е 134,000 јени, а за разлика од поголемиот дел од други гробишта во Јапонија не постојат такси за одржување, што е една од причините за голема популарност.
И во Европа почнуваат да виреат вакви слични идеи, но во Јапонија веќе се спроведуваат во реалност.
