Рускиот уметник Пјотр Павленски денеска извел перформанс во знак на протест поради „апатијата во руското општество“ и можноста Русија да се претвори во полициска држава.
Рускиот уметник Пјотр Павленски денеска со клинци ги закова своите тестиси за калдрмата на московскиот Црвен плоштад во знак на протест поради состојбата во општеството, а повод за ваков чин беше одбележувањето на 10-ти ноември, Денот на руската полиција.
На очиглед на вџашените минувачи, Павленски со тестисите заковани за калдрмата седел половина час, по што бил пренесен во болница.
Откако излегол од болница тој е пренесен на разговор во полиција.
Ова не е прв пат овој контраверзен уметник да има „драстични“ начини за искажување на протест. Во знак на поддршка на панк групата Пуси рајот пред неколку години – Павленски си ја сошил устата пред Казанскиот храм во Москва.
