Исламската држава успешно го спроведува планот за инфилтрирање на свои оперативци во европските држави, кои во иднина треба да извршуваат терористички напади. Тоа го тврди поранешниот оперативец на сириската тајна служба кој сега работи за потребите на воената команда на ИСИС. Тој на своите западни колеги им пренел шокантни информации, дека повеќе од 4.000 припадници на ИСИС се веќе стационирани во Европа, од Лисабон до Варшава, од Берлин до Рим и од Атина до Хелсинки.
Сирискиот оперативец потврдил дека само тој испратил голем број борци на ИСИЛ во Европа. Дел од нив да ги посетат своите фамилии, а дел да останат таму подготвени за извршување на задачи во иднина.
-Нашиот сон е дека треба да има Калифат секаде во светот, а не само во Сирија. И мислам дека со Божја волја ќе го оставриме тоа, изјавил оперативецот на Исламската држава.
Според информациите, голем дел од борците кои се наоѓаат на европско тло немаат соодветен тренинг за извршување сложени терористички операции, но тие се подготвени за самоубиствени напади. Меѓу нив има и луѓе што во камповите на ИСИС пред заминување добиле знаење за ракување со експлозиви и за користење електронски направи за активирање запаливи материјали.
Речиси сите се обучени за користење автоматско оружје, кое, според сите западни служби, за 500 до 2.000 евра може лесно да се купи на црниот пазар во Европа.
Оперативецот на ИСИЛ потврдил дека мета на нападите во Европа ќе бидат Западните влади, а не цивили.
