Возењето со вклучени светла прекуден и поставувањето споменици, билборди и садници во близина на сообраќајни површини ќе станат минато. Исто така, забрането е и продавање производи покрај јавните патишта. Ова се однесува на местата каде што може да биде загрозена безбедноста во сообраќајот поради недоволна прегледност, предвидуваат новите членови во Законот за безбедност во сообраќајот.
Новите одредби од Законот за безбедност во сообраќајот кој се најде на дневен ред на 62-рата седница на Собранието на Република Македонија, донесуваат генерално поригорозни законски казни за непочитување на одредени сообраќајни правила, особено за оние кои предизвикуваат зголемен број сообраќајни незгоди. Новата одредба со која повеќе нема да важи правилото за вклучени светла преку ден, предизвика дилеми кај возачите. Со новите измени се предлага задолжителна употреба со почетокот на самракот и во текот на ноќта, како и во дневни услови кога е намалена видливоста.
Во новите законски измени, меѓу другите, предвидена е казна од 20 евра доколку совозачот нема појас, 45 евра за разговор на мобилен телефон при возење, 35 евра за невклучено светла во одредениот временски период, како и 35 евра доколку се вози дете без специјално детско седиште.
