Собранието не изгласа недоверба на Владата


Со 40 гласа за, а 62 против и двајца воздржани пратениците ѝ изгласаа доверба на владата предводена од премиерот Зоран Заев. На 42 седница, на која единствена точка на дневниот ред беше изгласување недоверба на Владата, присустввуале 107 пратеници.

Мерал Узеири Ферати од ДПА и Реџеп Мемеди од Беса се двајцата пратеници кои гласаа „воздржано“ по прашањето за доверба во Владата, што го покрена ВМРО-ДПМНЕ. Други двајца пратеници на Беса – Теута Биљали и Фадил Зендели гласале против иницијативата за недоверба на владиниот кабинет, а Африм Гаши не бил присутен.

За претседателот на Алијансата за Албанците Зијадин Села во листингот стои дека не гласал – исто како и Сурија Рашиди.

За недоверба во Владата се изјасниле и двајца пратеници на СПМ – Љупчо Димовски и Стојан Миланов, додека нивната сопартијка Владанка Авировиќ не била присутна на гласањето. За недоверба на владиниот кабинет се изјаниле и пратениците Иван Стоиљковиќ од ДПС и Зеќир Рамчиловиќ од АВАЗ, како и Панчо Минов од ГРОМ.

Вкупно 40 пратеници од коалицијата на ВМРО-ДПМНе гласаа за недоверба на Владата, наспроти 62 пратеници од мнозинството кои му дадоа поддршка на кабинетот на Зоран Заев.

Опозицијата предводена од ВМРО-ДПМНЕ не успеа да обезбеди 61 глас, колку што се потребни за да се изгласа недоверба на Владата. Претседателот на Собранието, Талат Џафери, констатираше дека по целодневна расправа, Собранието не ѝ изгласа недоверба на Владата.

Барањето за гласање го поднесе опозициската ВМРО-ДПМНЕ. Иако првично беше потпишано од 41 пратеник, на барањето се потпишал и Иван Стоилковиќ од Демократската партија на Србите во Македонија, со што до Собранието беше доставено со 42 потписи.

Според опозицијата, Владата предводена од СДСМ и ДУИ нема капацитет за водење на институците. Во интерпелацијата, исто така, е наведено дека Владата работи за партиските интереси, а во изминатите десет месеци не е остварен ниту еден од проектите и реформите што ги ветуваа во предизборието.

Интерепелацијата беше прв чекор што го презеде ВМРО-ДПМНЕ, кога партијата одлучи да се врати во Собранието.

Share Button
MK News

Автор инфо

No comments yet.

Остави коментар

UA-33057274-1