Горивата од вечерва на полноќ поскапуваат за 2.5, односно три денари за литар објави денеска Регулаторната комисија за енергетика.
За 2.5 денари ќе поскапи Еуросуперот – 95 и ќе се продава по цена од 81 денари за литар, додека за три денари поскапуваат Еуросуперот – 98, Еуродизелот и Екстра лесното масло за домаќинство.
Новата цена на Еуросуперот-98 ќе изнесува 83 денари за литар, на Еуродизелот 70 денари, а на Екстра лесното масло за домаќинство 59 денари.
Малопродажната цена на мазутот М-1 НС се зголемува за 1,458 ден/кг, на 41,883 ден/кг.
