Терористи организирани заради непријателска дејност и создавање на чувство на несигурност и страв кај граѓаните. Криминалната група која во Куманово ја предводеше Мирсад Ндрецај, алијас командант НАТО, обвинителството за организиран криминал ја прогласи за терористичка организација и сите ќе ги гони за тероризам.
Денеска до Скопскиот кривичен суд стигнало обвинението против 29 те уапсени по крвавите случувања во кумановската „Дива Населба“, од 9 и 10 мај. Завршија во притвор откако го положија оружјето и име се предадоа на Тигрите и ЕБР. За нив обвинителството побарало продолжување на притворот, еден од групата се уште е во затвор во Косово, македонските органи на прогонот чекаат негова екстрадиција.
Обвинителството за организиран криминал на обвинетите на товар им става две кривични дела „терористичка организација “ (член 394-а, став 1 од Кривичниот законик), за што им се заканува затворска казна од најмалку 8 години, и за „тероризам“ (член 394-б, став 1) каде Кривичниот законик предвидува казна од најмалку десет години до доживотен затвор.
