Милан Дабовиќ (29) од Херцег Нови, роден брат на прославените кошаркарки Милица и Ана Дабовиќ вчера беше спроведен во Високото обвинителство на сослушување, откако два дена претходно беше уапсен во центарот на Белград со 2,4 килограми кокаин.
Дабовиќ на сослушувањето не сакал да ја изнесе одбраната, туку се бранел со молчење, а не сакал ни да одговори на прашањата на обвинителот, пренесуваат белградските медиуми.
„Имајќи ги во предвид околностите под кои е уапсен, количината на дрога, како и одредено сознание на полицијата дека е во прашање албанска нарко банда, беше малку веројатно дека Дабовиќ ќе соработува со истражните органи во Србија. Најнапред поради тоа што и самиот беше свесен дека секој нареден погрешен чекор би можел да ги загрози неговите сестри и останатите членови од семејството, кои не би биле првите жртви на слични одмазди на албанските нарко босовите.
Тие грешките а камоли предавството не го простуваат“, изјави извор од истрагата за еден од белградските медиуми.
