Сообраќајна несреќа во која дошло до судир меѓу шлепер „Мерцедес“ со скопски таблички и два автомобили „Голф“, едниот со скопски, другиот со охридски регистерски таблички, се случи вчера попладнето на магистралниот пат Велес-Скопје кај мостот Отовица.
Во несреќата полесно повредена е 55 годишната Германка Г.Ф.Б., со привремен престој во Скопје, која го возела охридскиот „Голф“.
Таа била пренесена во Медицинскиот центар во Велес каде по укажаната лекарска помош е пуштена на домашно лекување.
Возачот на шлеперот, скопјанецот Љ.П. (53) и 34 годишната Б.С. од Скопје која управувала со другиот „Голф“ поминале без повреди.
Сообраќајот на овој магистрален пат по несреќата беше во прекин.
