Судот во Хаг го одби барањето на поранешниот претседател на Република Српска, Радован Караџиќ, да биде пуштен на привремена слобода за да присуствува на одбележување на четириесеттиот ден од смрта на неговиот помал брат.
Теодор Меров, претседател на Механизмот за меѓународни трибунали, институција која е основана да ја заврши работата на Хашкиот трибунал, го одби брањето на Караџиќ да биде пуштен на привремена слобода, со напомена дека за тоа не се исполнети потребните услови, пренесе „Н1 Сараево“.
