Нешто по 10 часот во местото Мартонош, Србија дојде до големата трагедија која ја потресе Србија, а во која животот го загубија седум лица. До трагедијата дошло поради нарушени семејни односи, еден ден по свадбата.
Свекорот Раде Ш. (1960) со ловечка пушка ја убил сната Наталија (1990) и нејзините родители Шандор (1963) и Каролина Бајтаи (1972). Покрај нив настрадале уште три лица, а убиецот по крвавиот поход во домот на неговите сватови се самоубил.
Како што пишува српски „Блиц“, свекорот се противел на бракот на неговиот син со Наталија, поради што се скарал со неговата сопруга, која ја убил заедно со нејзините родители.
Раде во текот на вчерашниот ден цело време пиел, а денес отишол во куќата на родителите на невестата. Убиените лица се на возраст од 25 до 74 години.
