Дилан Ридер, возач на скејтборд и манекен од Калифорнија, почина на 28 години од леукемија, пренесоа американските медиуми.
Дилан никогаш официјално не открил дека страда од оваа болест, иако постоеле такви гласини.
Неговиот менаџер објави дека манекенот починал опкружен со семејството и пријателите кои никогаш нема да го заборават.
Дилан Ридер се прослави благодарение на умешноста со скејтбордот, но беше и успешен манекен.
Со него соработувала и славната манекенка Кара Делавињ во кампањата за Дона Каран, а која му била и добра пријателка.
Кара изјави сочувство до семејството преку Инстаграм, додека легендарниот рокер Ози Озборн изјави дека Дилан бил еден од најталентираните и најхрабрите луѓе коишто ги познавал.
