Штетата ќе биде надоместена, нам не боли што во невремето животот го изгубија 22 луѓе, вели за ТВ Нова вицепремиерот и министер за здравство Никола Тодоров.
-Сите беа на терен, војската и полицијата веднаш интервенираа. Тогаш беше првиот брифинг, информациите беа дека станува збор за страшна природна непогода и веднаш се договоривме како да се преземат мерки. Првата одлука беше да се започне со прва фаза која е се прави во случај на природна непогода. Тоа е фаза на пребарување и спасување. Целиот регион го поделивме на три сектори, вели Тодоров.
Тој вели дека полицијата и војската имале обврска да се пребара секоја педа, да се спасат преживеани.
-Тие си го ризикуваа својот живот. Првите два дена не спиевме, ниту координаторите, ниту полицијата или војската. Ги сплотивме ресурсите и добро се координиравме, вели Тодоров.
Тој додава дека што се случувало во погодените подрачја наликувало на сцени од хорор филм, апокалиптични и страшни слики, водата носела сè пред себе.
-Улици, возила, буквално сè носеше водата. Сите се координиравме. Градоначалниците Коце Трајановски, Тони Трајковски, министерот Дритон Кучи, од првиот момент беа на терен, изјави Тодоров.
