Во средината на минатиот месец 32 годишниот Кевин Адорно тргнал со велосипед од Мериленд кон Мајами за да ја запроси својата девојка Елијас. Пред три дена бил убиен од бездомник!
Во понеделникот Кевин застанал да се одмори од возењето во Флорида, да руча во Мекдоналдс и да го наполни мобилниот. Околу 21 часот излегол од ресторанот да телефонира, и тогаш бил нападнат.
Според полицијата, тој бил избоден со нож од бездомник во рацете и во градите. Починал поради преголема загуба на крв. Бил пронајден во тешка состојба, а починал во болница.
Осомничен за убиството е 59 годишниот Рене Херера Круз кој во полиција изјавил дека го нападнал младиот човек зашто бил уверен дека тој го фотографира и ги праќа фотографиите на луѓе кои сакаат да го убијат!
Кевин требало да се сретне со својата девојка по пат, за заедно на велосипеди да пристигнат во Мајами каде тој сакал да ја запроси.
Неговиот романтичен план заврши трагично.
