Cargill е најголемата приватна компанија во САД. Овој земјоделски див од Минесота поседува 75 подружници во 67 земји во кои вработуваат 143.000 луѓе. Во 2013 година приходот на компанијата изнесувал 134 милијарди долари. 
Според Форбс во својата годишна листа на милијардери, семејството Каргил има 14 милијардери, што е повеќе од било кое друго на светот. Кога семејството Каргил би претставувале една земја, би имале милијардери колку што има Шведска или Израел. Тоа би било доволно да го заземат 31. место по бројот на милијардери.
Сé почнало во 1865 година, кога В.В. Каргил започнал сопствен бизнис на границата со Ајова. Според извештајот на Форбс, неговите потомци дури и по 150 години, поседуваат 88 отсто од земјоделскиот комбинат. Меѓу наследниците на семејното богатство се Џејмс Каргил II, Остин Каргил II и Мариен Либман.
„Членовите на семејството Каргил живеат мирен и тивок живот. Многумина од нив се уште живеат на фамите и ранчовите во Монтана“, пишува во извештајот на Форбс.
