Мексикансата полиција денеска го уапси нарко босот Хоакин Гузман, попознат под прекарот „Ел Чапо“, кој побегна од затвор во јули минатата година, јави ДПА.
– Мисијата е извршена. Го имаме, објави мексиканскиот претседател Енрике Пења Нието на својот налог на Твитер.
Нието уште додаде дека апсењето на „Ел Чапо“ претставува „значаен успех“ на мексиканските безбедноси сили.
Гузман, кој важи за еден од најмоќните раководители на нарко картел во светот, лани во јули, по втор пат, успеа да побегне од затвор, преку мрежа на подземни тунели.
