Фотографија објавена на Твитер докажува дека Унгарија и понатаму кон бегалците се однесува како кон животни. Полицијата на таа земја ги натерала бегалците да клечат додека чекаат во ред за билети.
Емигрантите, голем број со семејства со деца, мирно се качиле во возот. Сами, 35-годишен Сириец, им го покажал на новинарите билетот од 120 евра за Минхен.
„Шест дена јас и двата сина спиевме на земја како кучиња. Денес, ако даде господ, ја напуштаме оваа земја и ќе ѝ се придружиме на мојата сестра во Минхен“, кажал Сами.
