Напуштено бебе старо неколку месеци утрово било пронајдено на платото пред железничката станица во Сараево, јави Аваз.
Бебето било скудно облечено, а било пронајдено од случајни минувачи. Според нивните зборови лазело неколку стотици метри меѓу автомобилите на паркингот.
Граѓаните кои го пронашле бебето прво ги побарале родителите, но откако виделе дека никој не доаѓа по него, случајот го пријавиле во полиција.
Во меѓувреме од шаторот, кој бил поставен во близината, дошол еден маж и си го земал бебето. Полицијата земала негови лични податоци, а тој се правдал дека „детето само залутало“, пишува „Дневни аваз“.
