Поради обилните врнежи од дожд и конфигурацијата на теренот во одделни делови на Велес има опасност од одрони на карпи, предупредуваат од Регионалниот центар за справување со кризи.
Како што информираат од Регионалниот Центар за справување со кризи, пред неколку дена, била избегната трагедија во населбата Поток на улицата „Вера Циривири“ во Велес.
Таму карпа тешка стотина килограми паднала во непосредна близина на една куќа. Среќна околност во несреќата е што карпата не паднала дирекно врз куќата, и така се спасило ова семејство, но опасноста од одрони во населбата и понатаму постои, вели раководителот Љубенчо Јанушев.
