Адријан Смит станал да оди до тоалетот, а во истиот момент џип влетал во собата од мотелот во која спиеле со неговата бремена девојка.
Имале исклучително многу среќа да останат живи, со оглед на тоа што џипот се движел со брзина од 100 милји на час (160км/ч) кога влетал во нивната соба.-Станав од креветот и само што влегов во тоалетот, џипот го проби ѕидот и застана баш на местото каде што минута претходно јас седев. Неверојатно, само слушнав јак удар и џипот беше тука, вели Адријан.
-Да не станеше во тој момент да оди во тоалетот, ќе завршеше под џипот, вели неговата девојка Рејчел Вотсон која е во осмиот месец на бременоста. За среќа ниту таа не е повредена иако паднала од креветот.
Ударот се случил во 11 часот утрината, кога Томас Валас (32) со огромна брзина поминал на црвено, удрил во два автомобили, ја изгубил контролата и завршил во мотелската соба. По инцидентот, тој пробал да избега, но бил фатен по само неколку поминати метри од полицијата.
Сител
