Фудбалскиот натпревар помеѓу Србија и Албанија е прекинат минута пред крајот на првото полувреме откако се случи тепачка помеѓу играчите на теренот, а и во публиката помеѓу нвивачите на Србија и Албанија.
Тепачката се случи откако гледач од редот на албанските навивачи преку летечка играчка пушти албанско знаме на теренот, а кога леталото со албанско знаме го стаса играчот на Србија Митровиќ тој беше нападнат од албанските играчи и со тоа почна тепачката на теренот.
На теренот влегоа и неколку десетици српски навивачи по што Албанците се упатија кон соблекувалната заедно со судијата кој, во овој момент, го суспендираше натпреварот и не се знае дали тој ќе продолжи.
По половина час прекин, српската репрезентација се соглаис да продолжи да игра, додека албанската сеуште размислува.
