Руски воени хеликоптери се упатиле кон украинскиот полуостров Крим тврди агенцијата интерфакс, додека неидентификувани војници, за кои Западот тврди дека се руски специјалци, ја патролираат целата област, пренесува Ројтерс.
Додека Западот тврди дека Русија подготвува инвазија на Крим, на Интернет се појави снимка на која наводно можат да се видат руски воени хеликоптери како летаат кон аеродромот во Севастопол на Крим.
Полуостровот е под контрола на вооружени групи што тврдат дека се „организирани доброволци“, а за кои владата во Украина тврди дека се руски специјалци.
Интерфакс јавува и дека руски воени сили заробиле украински гранични полицајци во близина на Севастопол.
