Двегодишното девојче Бруклин од Мичиген исчезнало во вторникот, а е пронајдено 22 часа подоцна завиткана во ќебе во шумата. Таа си играла надвор и сама залутала и се изгубила. Родителите се плашеле од најлошото.
-Мислевме дека дошол некој и ја грабнал – вели Патрик МекДоналд.
Во потрагата се вклучила и полицијата, војската со хеликоптери и сите пријатели и роднини. Полицаецот Денис МекГакин и неговиот пес трагач ја пронајдоа во блиската шума. Била завиткана во ќебе и не се мрдала.
Денис и се доближил и таа го извадила главчето по што следел најслаткиот момент – нејзината насмевка кога сфатила дека ја спасиле.
Полицаецот ја замолил дали може да ја слика, а таа го погледнала, се насмевнала и му се заблагодарила.
