Брендон Брајан (27), кој порано работел како навигатор на беспилотно летало во американската воздухопловна армија, кажува како е да се биде одговорен за смртта на огромен број луѓе, причина заради која повеќе не е дел од убиствените мисии на својата земја.
Во периодот 2006-2011 тој бил дел од армијата каде учествувал во мисиите во Авганистан и Ирак. Брајан вели дека се чувствувал како социопат и дека за време на мисијата го изгубил почитувањето за животот. Најлошото од се е што додека гледал како пред негови очи умираат луѓе, тој ја посакувал нивната смрт.
На овој човек како и на многу негови колеги од војската им бил дијагностициран пострауматски стрес. Одликувањата кои ги добил, а биле многубројни, не му значеле ништо, особено откако на хартија видел дека е одговорен за смртта на 1.626 луѓе убиени во мисиите во кои тој зел учество.
Во продолжение можете да ја слушнете неговата исповед.
