Одличниот скијач и „Ем-ти-ви“ ѕвезда, Ерик Ронер (39) загина за време на падобранскиот скок во Скво Вели во Калифорнија, соопштила тамошната полиција.
Ронер кој важеше за еден од „кралевите на есктремните спортови“, удрил во дрво и останал приклешен во крошната, пред полицијата да успее да го ослободи, но само на лице место го прогласиле за мртов.
Скијачот и уште неколку падовранци настапувале на отворањето на голферски турнир. Тој беше познат по настапите во „Нитро цикрус“ на Тревис Пастране на „Ем-ти-ви“.
39-годишниот спортист имал жена и две деца. Ронер е изведувач на првиот ски-скок од карпа на Попова Шапка (base jump), што е филмувано во рамките на серијата „Тетон гравити“.
