Археологот и професор Виктор Лилчиќ е новиот директор на Управата за заштита на културно наследство, одлучи Владата на завчерашната седница.
Мандатот ќе му трае четири години. Истовремено и официјално престана мандатот на досегашниот директор Паско Kузман, кој пред неколку месеци ги исполни условите за старосна пензија.
Лилчиќ се пријавил на јавниот повик за нов директор на институцијата.
Лилчиќ е доктор на археолошки науки и со години е професор на Филозофскиот факултет при Универзитетот „Св. Kирил и Методиј“.
Бил раководител на катедрата за историја на уметност и археологија. Речиси десетина години работи на проектот „Античкото кралство Македонија во Република Македонија“. Автор е на многу книги и на монографии за археолошката наука.
