Сообраќајот на сите државни патишта се одвива тековно по влажни коловози. Слаби врнежи од снег се бележат на патниот правец Крива Паланка – Деве Баир, кај Страцин, Попова Шапка и Павлешенци Појава на магла со видливост до 50 метри има во Крушево, информира Македонија пат.
Читател на Mk news испрати фотографии до нашата редакција од патот кај Росоман – Кавадарци на кои се гледа како камион – цистерна поради лизгавиот коловоз се излизгал и паднал во ендекот крај патот. Нема повредени, ниту други возила оштетени.
Во клисурите и усеците можна е појава на помали одрони, особено на патните правци: Кочани – Делчево, Виница – Берово, Маврово-Дебар-Струга, Демир Капија – Удово и Катланово-Велес.
На учесниците во сообраќајот им се препорачува внимателно управување со возилата, почитување на поставената сообраќајна сигнализација, како и прилагодување на брзината кон условите на патот.
