Во Охрид започна одржувањето на 26 маратон


Денеска од Свети Наум маратонците запливаа и го започнаа 26 по ред Охридски маратон.

Патека го носи името „Климе Савин“ а е долга 30 километри. Осумдесет маратонци и 11 маратонки ќе се обидат та ја препливаат патеката која поминува низ десет контролни точки и која завршува кај Охридското пристаниште.

Временските прилики нудат одлични услови за добра трка. Во вакви услови на пливачите ќе им бидат потребни околу 5 часа и 30 минути за да го завршат маратонот.

Меѓу фаворитите за победа на денешниот маратон е Бугаринот Петар Стојчев, кој десет пати е освојувач на првото место во Охрид, но годинава е надвор од конкуренција за победа во генералниот пласман.

Во водите на Охридското Езеро се и водечките во генералниот пласман на ФИНА, Австралиецот Трент Гримси како првопласиран со 78 бода, аргентинецот Дамиан Блаум како втор со 56 и третопласираниот Андреа Волпини од Италија со 40 бода. Најдобар македонски маратонец е Евгениј Поп Ацев на петтата позиција со 34 бода. Заедно со Поп Ацев, кој беше третопласиран минатата година. Во шестчлената македонска експедиција се уште и Александар Илиевски, Дејан Младеновски и Александар Панчевски, Миро Крстевски и Александар Тороманоски. Иако беше пријавен, настапот на денешната трка поради повреда го откажа Томи Стефаноски, кој беше втор на минатогодишниот маратон.

Листата кај дамите ја предводи водечката во генералниот пласман и трикратна побеничка во Охрид шпанката Естер Њуњез Гомез Морера, додека зад неа е аргентинката Гељо Пиљар.

За регуларноста на трката ќе се грижат петнаесетина судии распоредени во четири чамци, а финишот на трката ќе биде сниман на видео-запис, согласно регулативите на ФИНА.

Охридскиот пливачки маратон е со награден фонд од 25 илјади долари, а се одржува под покровителство на претседателот на Република Македонија Ѓорѓе Иванов.

Share Button

Tags: , , ,

Александар Петрески

Автор инфо

No comments yet.

Остави коментар

UA-33057274-1