Во учебник за 2 одделение пишува – Не диши, види дали ќе умреш

Во учебникот по предметот запознавање на околината за второ од­де­ле­ние, на децата на возраст од седум години им се даваат инструкции ка­ко да го задржат воздухот, за да видат колку долго можат да издржат без кислород

“Зат­во­ри ја устата и затни го носот. Изброј колку време можеш да издржиш без воздух “, е експериментот кој им се препорачува на вто­ро­од­де­лен­ци­те во учебникот по запознавање на околината, за да го откријат зна­че­ње­то на воздухот за животната средина.

И додека во соседна Србија од почетокот на годинава стапи во сила за­ко­нот за заштита на животната средина, со кој се забранува убивање на мрав­ки, бубамари и глувци, за што е предвидена казна до десет илјади ев­ра или три години затвор, во истата лекција во нашиот учебник од децата се бара да затворат ин­сек­ти во тегла и да проверат по колку време ќе умрат без воздух.
Ав­то­ри­те на учебникот Драга Дамчевска и Билјана Живковиќ им дале жи­во­пис­ни инструкции на учениците како најдобро да го осознаат значењето на воздухот. На страница 68 од учебникот стои: “Затвори ја устата и затни го но­сот. Изброј колку време можеш да издржиш без воздух.

Земи една тег­ла и во неа собери неколку инсекти, теглата затвори ја со капак и нека пос­тои неколку минути, отвори го капакот и провери дали инсектите се жи­ви”.
На сликите се нацртани две тегли, едната тегла има капак со отвори и внат­ре се гледаат живи бубамара, пеперутка и неколку мравки. Другата тег­ла, пак, е затворена и инсектите внатре се мртви.

Во Министерството за образование и наука велат дека учебникот е пред­мет на ревидирање, како дел од големата акција за проверка на сите учеб­ни­ци кои се вклучени во наставата.
“И на овој учебник, како и на уште 200 други се прави суперрецензија. Во рам­ки­те на Министерството за образование, формирани се комисии кои ги ре­ви­ди­ра­ат сите учебници. Проверката треба да заврши наредната не­де­ла. Доколу рецензентите оценат дека некои делови од учебниците треба да се сменат или, пак, да се повлечат во целост, тогаш Министерството ќе пос­та­пи по забелешките”, вели Горан Галевски, портпарол во Ми­нис­терс­тво­то за образование и наука.

Вест.мк