Kандидатот за градоначалник на коалицијата „Сојуз за иднината“, Андреј Жерновски кој според податоците на ДИК има освоено повеќе гласови во општина Центар од противкандидатот Владимир Тодоровиќ, изрази револт од 10-те споменици кои беа поставени изутрината во Центар.
„Ова е последното нагрдување на општина Центар. Од утре ниту еден сантиметар од Општината нема да се моделира во нешто друго без да се прашаат граѓаните“, изјави Жерновски.
Тој ја повика и администрацијата да се однесува професионално и да не подлегне на, како што рече, притисоците кои се вршат врз неа за изнесување документи.
Го повика Тодоровиќ да ја прифати реалноста и да му ја честита победата. Според информациите на Жерновски, ВМРО – ДПМНЕ во неделата поднела 49 жалби за изборите во општина Центар.
Извор: Макфакс
