Покрај штетата која земјоделците во Прилепско ја трпат поради поплавувањето на земјоделските површини, со што во прашање е доведено дали нешто од тоа што е посеано на нивите и во градините ќе никне или ќе скапе во вода, сега имаат уште една грижа која им влева дополнителни грижи и страв. Од поплавите во прилепско змии и глувци ги наполнија домовите, јавува „10 без 10“.
Бегајќи од своите поплавени дувла, змиите и глувци влегуваат во куќи во Прилепско, каде каналите одамна се прелеаја, а Црна Река на некои места се изли во широчина од шест километри, со што создаде езеро поголемо од Дојранско.
