На северот на Германија кај местото Фехта денеска во сообраќајна несреќа на автобус во кој се возеле околу 100 деца повредени се 17 ученици .
Според германските медиуми возачот на автобусот од засега непознати причини свртел во десно и удрил во дрво крај патот.
Медиумите воедно информираат дека за среќа децата имаат само полесни повреди , местото на несреќата во моментов има многу возила на итната помош, полицијата и противпожарната служба . Автобусот е сериозно оштетен од страната на совозачот.
На местото на несреќата исто така бил подигнат голем шатор со медицинска опрема ,а блиските болници се максимално подготвени за прифаќање на повредените деца.
