Две момчиња на возраст од 16 години биле нападнати со нож во скопската населба Железара, извести МВР.
Инцидентот се случил синоќа околу 21.50 часот, кога малолетниците Ј.П. и Е.И. биле нападнати од поголема група лица.
Веднаш биле пренесени во Ургентниот центар, каде што на Ј.П. му е констатиран расек на десната натколеница, а Е.И. имал убод во стомакот.
Полицијата работи на целосно расчистување на случајот.
