Роверот на НАСА – Curiosity испрати фотографии на кои се гледа речно корито на Марс. Според научниците ова е цврст доказ дека на Марс некогаш течела вода.
“Со оглед на големината на чакалот кој го носел овој поток, можеме да кажеме дека водата се движела со околу метар во секунда, со длабочина од некаде помеѓу глуждот и колковите”, изјави Вилијам Дитрих од Универзитетот во Калифорнија.
Фотографиите се направени на кратерот Гејл и подножјето на планината Шарп, според обликот на пресушениот канал вода тука течела во континуитет во тек на подолг период.
