Електронската здравствена картичка, како што се наведува, во прв момент ќе значи укинување на сини картони, а потоа и на хартиената здравствена легитимација.
Фондот за здравствено осигурување на Македонија ги информираше државните претпријатија и јавните институции да ги подигнат електронските здравствени картички. Во септември ќе можат истото да го направат и приватните фирми и кон крајот на годината ќе биде овозможено граѓаните да достават доказ за платена здравствена картичка и да си ја подигнат од подрачните служби.
Електронската здравствена картичка, како што се наведува, во прв момент ќе значи укинување на сини картони, а потоа и на хартиената здравствена легитимација.
Електронската картичка чини 250 денари, за невработени лица, пензионери чија пензија не надминува 15.000 денари, самохраните родители, деца без родители и родителска грижа до 18 година, како и за лицата осигурани преку нив – 100 денари
Ослободени од трошоците за новата здравствена картичка се корисниците на социјална парична помош и членовите на нивните семејства, како и лицата корисници на постојана парична помош.
Секоја картичка го идентификува лицето во здравствениот и останатите системи во Република Македонија.
Електронската здравствена картичка ќе се користи при секоја посета на лекар, при користење на болнички, лабораториски и останати медицински услуги, земање на лекови во аптеките, земање на медицински помагала, користење на услуги на брзата помош и при сите останати процеси.
Секој корисник на картичката ќе има можност преку апликација достапна на интернет страниците на ФЗОМ, самостојно да ја користи картичката за промена на PIN-от, за читање на личните медицински податоци запишани во електронската здравствена картичка и останатите функционалности, доколку се поддржани, а во согласност со предефинираните права на централно управуваната авторизација, стои во соопштението од ФЗОМ.
