Американската пејачка Аријана Гранде, чиј концерт во Манчестер заврши со терористички напад во кој загинаа 22 лица, планира да се врати во англискиот град и да одржи хуманитарен концерт.
Парите од концертот на Аријана ќе биле наменети за семејствата и жртвите во нападот.
Во подолга изјава на Твитер пејачката посочила дека планира да се врати во „неверојатно храбриот град“.
– Никој со ништо не може да ја ублажи болката што ја чувствувате или да ги подобри работите… Единственото нешто што можеме да го направиме е да избереме како ова ќе влијае врз нас и како ќе продолжиме со нашите животи… Нема да се откажеме или да живееме во страв. Нема да дозволиме омразата да победи – посочила Гранде.
