Нема Зика вирус тримесечното бебе од Дојран, покажаа резултатите од испитувањето во лабораторијата во Германија.
Резултатите ги добиле и во Институтот за јавно здравје, а информацијата ја потврдија и од Министерството за здравство. Веста прв ја објави градоначалникот на Дојран на својот Фејсбук профил.
„Убава вест стигна денес. Семејството на бебенцето од Дојран радосни, ми јавија дека резултатите за Зика се негативни. Нема ниту микроцефалија“, објави градоначалникот на Дојран Борче Стамов на својот профил на Фејсбук.
