На бриселскиот аеродром денеска беа регистрирани две експлозии. Според првичните информации неколку луѓе се повредени, а сите летови се откажани на неодредено време.
За време на експлозијата на аеродромот бил и новинарот на Скај њуз Алекс Роси.
– Бев во фри шопот и слушнав две многу силни експлозии. Почувствував како зградата се тресе. Имаше многу прашина и дим. Тргнав кон местото од каде што се слушна експлозијаата, луѓето излегуваа надвор. Изгледаа зашеметено и шокирано. Тука сите мислат дека станува збор за терористички напад, но се уште нема официјална потврда, вели Роси.
Белгиското радио известува за најмалку две жртви.
Целиот аеродром е блокиран, сите авиони кои се на пат за Брисел се преусмеруваат кон Антверпен.
