Еден во затвор, 8 демонстранти со условни казни – затворска за вујкото на Мартин Нешковски


Една затворска казна од 10 месеци и осум условни казни им изрече денеска Основен суд Скопје 1 на деветтемина демонстранти, обвинети за „учество во толпа што ќе спречи службено лице во вршење службено дејствие“, на протестите пред Владата на 5 мај, пренесен МИА.

protest vlada

Осумте условни казни се изречени за период од една година, време во кое сторителите не смеат да го повторат делото. Во спротивно ќе добијат по тримесечна затворска казна.

Затворската казна од 10 месеци Судот му ја изрече на вујкото на Мартин Нешкоски, момчето убиено за време на изборната прослава во 2011 година. Отежнителна околност за него е што обвинетиот го сторил кривичното дело додека бил на условна казна за исто дело.

Претходно, деветмината демонстранти пред Судот ја признаа вината. Сите деветмина се изјаснија дека се виновни и дека вината ја признаваат без никаков притисок.

Протестите на 5 мај беа организирани откако опозицијата објави аудио снимки во кои што високи функицонери од власта наводно се обиделе да го скријат убиството на Нешкоски, кое се случи ноќта меѓу 5 и 6 јуни 2011 година, додека власта ја славеше изборната победа.

Share Button
MK News

Автор инфо

No comments yet.

Остави коментар

UA-33057274-1