Од истражувачкиот центар Галвестон во Тексас исчезнала епрувета со смртоносниот вирус Гуанарито, кој може да предизвика потенцијална смртоносна хеморагична грозница.
Експертите од Универзитетот во Тексас порачале дека никој не провалил на сила во лабораторијата во кој се наоѓал смртоносниот вирус, односно дека не веруваат дека некој ја земал епруветата со вирусот со лоша намера, јавува “CBS News”.
Има сомнение дека вирусот бил уништен за време на чистењето на лабораторијата во која бил сместен. Американските експерти ја убедуваат јавноста дека место за паника нема. Вирусот Гуанарито потекнува од Венецуела и го пренесуваат само венецуелските стаорци. Тој не може да биде пренесен од човек на човек.
