Граѓанското движење за одбрана на Македонија (ГДОМ) вечерва во спортската сала во скопската населба Автокоманда, почна со реализација на иницијативата за покренување постапка за одговорност за велепредавство за лидерот на СДСМ Зоран Заев.
Како што беше најавено, собирањето потписи, што почна вечерва, ќе се одвива секојдневно по завршувањето на велигденските празници.
Од ГДОМ бараат Заев да биде еднаков пред Уставот и законите како и сите граѓани на Република Македонија и што поскоро државните институции да покренат одговорност за него и тој да биде притворен за велепредавство во врска со случајот „Пуч“ односно со, како што велат, откривањето државна тајна за набавката на опрема за МВР од Израел, како и за барањето за поткуп од 200 илјади евра за што е осомничен.
