Откако новинарките на Вест се „разголеа“ за да ја подигнат свеста кај жените за борба со ракот на дојката – и роденденската торта на Вест е топлес.
Инаку вест својот роденден го прославува во знако т на борбата против ракот – борба посветена и инспирирана од прерано згаснатиот живот на нивна колешка новинарка – која ја изгуби битката со ракот.
,, Во август 2005, еден месец по нашиот петти роденден, почина Вера Аџигогова, една од основачите на “Вест”.
Верче, која почина по скоро 3-годишна битка со ракот на дојка, беше наша голема инспирација како новинарка и уредничка со големо искуство, но и според тоа како храбро живееше со болеста, пишува Вест.
За многумина од нас, смртта на Верче беше прво соочување со ракот на дојка, директен судир со фактот дека тоа не само што е тешка болест туку и не е нешто што може да му се случи само на некој друг. Напротив, може да му се случи секому од нас.
Тоа искуство нe научи дека само навремена и точна информација за тоа што е рак на дојка, на матка и на јајници и што може секој од нас да стори за рано откривање, може да го разбие баучот за болеста и да спаси животи.
Веруваме дека многу помогнавме ракот да стане тема за која мора постојано да се зборува многу гласно, а не да се молчи, Пишува Вест
Фото: Еве ги новинарките кои се сликаа разголени – смртта на колешка ги натера на борба против ракот
